ក្រុមហ៊ុន Yahoo យល់ព្រម ទិញក្រុមហ៊ុន Hulu ដើម្បីផ្តល់សេវាកម្ម Streaming Video

យោង​តាម​ប្រភព​ព័ត៌មាន​ពី​គេហទំព័រ​ huffingtonpost​ បាន​ឲ្យ​ដឹង​ថា​ ក្រុមហ៊ុន​ Yahoo​ បាន​យល់ព្រម​ទិញ​ ក្រុមហ៊ុន​ Hulu​ ដែល​ជា​ក្រុមហ៊ុន​ ផ្ដល់​សេវាកម្ម​ Streaming​ Video​។​ នេះ​បើ​តាម​ប្រភព​ដែល​ជិត​ស្និ​ទ្ធិ​របស់​ Yahoo​ បាន​ប្រាប់​ទៅ​កាន់​ទីភ្នាក់ងារ​ព័ត៌មាន​ Reuters​។​
សូម​បញ្ជាក់​ថា​ Hulu​ គឺជា​ក្រុមហ៊ុន​ផ្ដល់​សេវាកម្ម​ Streaming​ Video​ ដែល​កំពុង​ពេញ​និយម​បំផុត​ ដោយសារ​វា​មានកម្ម​វិធី​ទូរទស្សន៍​ ភាពយន្ត​ និង​វី​ដេ​អូ​ផ្សេងៗ​ជា​ច្រើន​ ក្នុង​នោះ​ដែរ​ ក្រុមហ៊ុន​ Hulu​គឺជា​ក្រុមហ៊ុន​ ដែល​មានការ​សហការ​ល្អ​ជាមួយនឹង​ AOL,​ MSN,​ MySpace,​ Facebook​ និង​ Comcast​ផង​ដែរ​។​
សូម​រំលឹក​ផង​ដែរ​ថា​ ក្រុមប្រឹក្សាភិបាល​ Yahoo​ បាន​សម្រេចចិត្ត​យល់ព្រម​ ទិញ​យក​បណ្ដាញ​ Tumblr​ ក្នុង​តម្លៃ​ ១,១​ពាន់​លាន​ ដុល្លារ​អា​មេ​រិ​ក​ កាលពី​ស​ប្ដា​ហ៍​មុន​ ៕​

ប្រភព៖ abcnonstop.net