ប៉េកាំង៖ លោក Choe Ryong-hae ដែលគេស្គាល់ថាជាមេទ័ពកំពូលរបស់កូរ៉េខាងជើងត្រូវបានបញ្ជូនមកជាបេសកជនពេសិសដោយលោក គីម ជុងអ៊ុន ផ្ទាល់នោះបានចូលជួបជាមួយលោក Liu Yunshan សមាជិកគណមជ្ឈិមបក្សកុំមុយនីស្តចិនហើយកាលពីម្សិលមិញនេះដោយទទួលបានលទ្ធផលជាទីគាប់ចិត្ត។
ភាគីកូរ៉េខាងជើងបាននិយាយថារដ្ឋកូរ៉េខាងជើងចង់បាននូវការជួយផ្គត់ផ្គង់ដោយផ្ដោតសំខាន់លើផ្លូវសេដ្ឋកិច្ច ដែលកំពុងតែក្លាយជាបញ្ហាធំសម្រាប់កូរ៉េខាងជើង ហើយរំពឹងក្នុងការទទួលយក និងធ្វើតាមរាល់ការណែនាំរបស់ភាគីចិន។
គេរំពឹងថាប្រសិនបើមាននូវដំណោះស្រាយនេះបានវាអាចនឹងបន្ថយនូវការប្រឈមមុខគ្នាលើបញ្ហាសង្គ្រាមឧបទ្វីបកូរ៉េ។ ជាមួយគ្នានេះផងដែរលោក Liu Yunshan បានថ្លែងថា រដ្ឋាភិបាលក្រុងប៉េកាំង ចង់ឱ្យរាល់ភាគីទាំងអស់ដែលពាក់ព័ន្ធនឹងជម្លោះឧបទ្វីបកូរ៉េទម្លាក់គ្រាប់បរមាណូចុះ ហើយចាប់យកការចរចារផ្លូវសន្តិភាពជាជាងសង្គ្រាម ដែលវាអាចប៉ះពាល់ធ្ងន់ធ្ងរដល់សេដ្ឋកិច្ច ក៏ដូចជាសន្តិសុខដែលអាចប៉ះពាល់ដល់ចិនផងដែរ៕
ប្រភពៈ abcnonstop.net
