ភ្នំពេញ៖ មន្ត្រីជាន់ខ្ពស់អគ្គីសនីមកពីបណ្តាប្រទេសជាសមាជិកអាស៊ានដែលបានចូលរួម ក្នុងកិច្ចប្រជុំអាជ្ញាធរថាមពលអាស៊ាន និងកិច្ចប្រជុំគណៈកម្មការថាមពលអាស៊ាន នៅថ្ងៃទី២៣ ខែឧសភា ឆ្នាំ២០១៣ នាសណ្ឋាគារ ណាហ្គាវើល រាជធានីភ្នំពេញបានប្តេជ្ញារួមគ្នាដោះស្រាយបញ្ហាកង្វះថាមពល អគ្គីសនី ពេលសមាហរណកម្ម សេដ្ឋកិច្ចអាស៊ាន ឆ្នាំ២០១៥។
លោក កែវ រតនៈ ប្រតិភូរាជរដ្ឋាភិបាលទទួលបន្ទុកជាអគ្គនាយកអគ្គីសនីកម្ពុជាបានមានប្រសាសន៍ ថា ប្រទេសអាស៊ានទាំង១០ បានរួមគ្នាដើម្បីស្វែង ដំណោះស្រាយបញ្ហាប្រឈមនៃកង្វះថាមពលអគ្គីសនី ដើម្បីសមាហរណកម្ម សេដ្ឋកិច្ច នៅឆ្នាំ២០១៥ ព្រោះថាតម្រូវការនៃការប្រើប្រាស់អគ្គីសនីពីមួយថ្ងៃទីមួយថ្ងៃមានកំណើនខ្ពស់ ។
លោក កែវ រតនៈ បានឲ្យដឹងទៀតថា ប្រទេស ជាច្រើនបានស្វែងរកប្រភពបន្ថែម ដូចជាប្រភពថាមពលនុយក្លេអ៊ែរ នៅពេលអនាគត ហើយកិច្ចប្រជុំលើកនេះ ដើម្បីឲ្យប្រធានអង្គភាពអគ្គីសនី អាស៊ានទាំងអស់ ពិនិត្យមើលផែនការណ៍ កម្មវិធី និងគម្រោង នៃការអភិវឌ្ឍន៍និន្នាការអភិវឌ្ឍន៍ វិស័យថាមពលទាំងអស់ ក្នុងក្របខណ្ឌអាស៊ានក្នុងតំបន់ ដើម្បីពិនិត្យ មើល យន្តការ សហប្រតិបត្តិការ ទាំងការតភ្ជាប់បណ្តាញអគ្គីសនី ទាំងការពិនិត្យមើល ប្រភពអគ្គីសនីនៃ ការផ្គត់ផ្គង់ ការពិនិត្យការអភិវឌ្ឍន៍ តទៅមុខទៀត ដើម្បីដោះស្រាយទៅលើបញ្ហាប្រឈមនឹងការប្រែប្រួលអាកាសធាតុ ដោះស្រាយបញ្ហាកង្វះថាមពល ក្នុងតំបន់អាស៊ាន ដោះស្រាយបញ្ហាអគ្គីសនី ដែលចេះតែ។
លោក កែវ រតនៈ បានបន្តថា ការជួបជុំគ្នាដើម្បីស្វែងរកដំណោះស្រាយនេះ ដើម្បីដាក់ជាយន្តការផ្សេងៗ និងអនុសាសន៍នានា ដើម្បីបញ្ជូនទៅកាន់មន្ត្រី ថាមពលអាស៊ាន ក៏ដូចជាបញ្ជូនទៅកាន់ប្រមុខរាជរដ្ឋាភិបាល អាស៊ានទាំង ១០ ប្រទេស ដើម្បីជាគោលនយោបាយឆ្លើយតប សមស្របតាមទៅតាម ការប្រែប្រួលលើវិស័យថាមពលនៅក្នុង ប្រទេស អាស៊ានទាំង ១០។
លោក កែវ រតនៈ បានបន្តទៀតថា លោកចាត់ទុកថា កិច្ចប្រជុំលើកនេះ នឹងទទួលបានផ្លែផ្កា ទាំងទ្វេភាគី និងពហុភាគី ដើម្បីឲ្យថាមពលលែងក្លាយជាឧបសគ្គ ដើម្បីការរុញច្រានប្រទេសអាស៊ានឲ្យក្លាយជាសហគមន៍ថាមពល សេដ្ឋកិច្ចនៅឆ្នាំ២០១៥។
លោក កែវ រតនៈ បានបន្តទៀតថា លោកចាត់ទុកថា កិច្ចប្រជុំលើកនេះ នឹងទទួលបានផ្លែផ្កា ទាំងទ្វេភាគី និងពហុភាគី ដើម្បីឲ្យថាមពលលែងក្លាយជាឧបសគ្គ ដើម្បីការរុញច្រានប្រទេសអាស៊ានឲ្យក្លាយជាសហគមន៍ថាមពល សេដ្ឋកិច្ចនៅឆ្នាំ២០១៥។
គួរបញ្ជាក់ផងដែរថា កិច្ចប្រជុំថា្នក់ដឹកនាំស្ថាប័នអគ្គីសនីប្រទេសអាស៊ាននេះ ជាការប្រមូលផ្តុំយោបល់ និងការ ណែនាំ ពីស្ថាប័ន ថាមពលអាស៊ាន ដើម្បីធ្វើឲ្យប្រសើរឡើង និងលើកកម្ពស់ កិច្ចសហប្រតិបត្តិការ ថាមពល ក្នុងប្រទេសអាស៊ានទាំង១០៕ ដោយហួត +វង្ស
ប្រភពៈ abcnonstop.net
ប្រភពៈ abcnonstop.net
